Qaraózek rayonı Ak. S.Kamalov APJ da jaslar festivalı ótkerildi.

Festival sheńberinde sporttıń voleybol, futbol, shaxmat-shashka hám stol tennisi túrlerinen sport jarısları bolıp ótti.

Sonday-aq rayondaǵı barlıq APJ hám MPJ jaslarınan quralǵan 13 komanda ortasında “Bilim ring” intellektual oyını ótkerildi.

Jáne de “Úsh áwlad” ushırasıwında qatnasqan jaslar rayon hákimi U.Utambetov, Qaraqalpaqstan Respublikası Ministrler Keńesi baslıǵı orınbasarı, Máhálle hám shańaraqtı qollap-quwatlaw ministri S.Turmanov hám jaslar jetekshileri menen tikkeley ushırasıp, ózara pikir almastı. Álbette, bunnan rayon jasları oǵada quwanıshlı.

Kún boyı ótkerilgen sport oyınları hám tańlawlardıń jeńimpazları múnásip xoshametlendi.

Is-ilajlar dawamında rayon mádeniyat bólimi tárepinen tayarlanǵan koncert dástúrleri menen dawam etti.