Ulıstıń ullı kúni – Nawrız bayramına da sanawlı kúnler qaldı. Nawrız kún menen teńlestirip, jaqınlardı ele de jaqınlastıradı.

Bunıń ayqın dálili mısalında Shomanay rayonın alıp qaraytuǵın bolsaq, rayondaǵı «Diyxanabat» awıl puqaralar jıyınına qaraslı 18 elattıń turǵınları bir jaǵadan bas shıǵarıp, awızıbirshilik penen Nawrız saltanatın keń túrde shólkemlestirdi.

Bayram baǵdarlamasınan mektep oqıwshılarınıń, sonday-aq, baqsha tárbiyalanıwshılarınıń janlı hawazda qosıq atqarıwı, sheberlik penen ayaq oyın oynawı orın alǵan bolsa, bul kórinislerdiń dawamı milliy sport oyınlarına jalǵasıp ketti.

Saltanattı mazmunlı ótkeriw maqsetinde Shomanay rayonı hákimligi tárepinen 3 million swm muǵdarında qarjı ajıratıldı. Bul qarjılar bayram qatnasıwshıların hám sport jarısları jeńimpazların estelik sawǵaları menen sıylıqlawǵa jumsaldı.

Bekbergen Adilbaev, reportyor