Jańalıqlar

«Өз брендимди жаратпақшыман…»


Бүгинги күнде жаслардың исбилерменлик пенен шуғылланыўлары, өзлериниң алдына қойған мақсет, исбилерменлик жойбарларын  әмелге асырыўы ушын барлық имканиятлар жаратылған. Кредит алып, өз жумысларын баслаўы ушын да жеңилликлер берилген. Сондай имканиятлардан туўры пайдаланып, тигиўшилик цехин ашқан жаслардың бири Шахло Абдуллаева. Ол АТ «Халық банки» нен 30 млн.сўм кредит алып, өткен жылдың март айында Нөкис қаласы «Қоскол-1» МПЖ да тигиўшилик цехин жолға қойды.

– «Кредит  есабынан 7 дана тигиў машинасын сатып алдым. Ҳәзирде устаз-шагирт тийкарында 6 қызға жумыс үйретип, олардың бәнтлигин тәмийинледим. Арнаўлы кийимлер (спецодеждалар) ге ҳәм басқада  кийимлерге буйыртпалар келип туспекте. Сол буйыртпалардан түсип атырған дәраматлар арқасынан жалғыз баслы ана болғанлығым ушын 3 перзентимди бағып атырман. Кредитлеримди де өз ўақтында төлеп турмыз» – дейди Шахло Абдуллаева.

Сойдай-ак, тигиў цехында кийим-кеншеклер менен бирге бас кийимлерди-де  тигиўди жолға қойылған. Оларға қол мийнети жәрдеминде тоқылған миллий нағыслар жас исбилерменниң дөретиўшилик жемиси.

Нөкис қаласы ҳәкимлиги Мәлимлеме хызмети