Abadanov Dauranbek “Ózbekstan belgisi” kókirek belgisi menen sıylıqlandı Tashkent qalası Jaslar dóretiwshilik sarayında Watanımızdıń abırayı, dańqın joqarılatıwǵa hám onıń xalıqaralıq abırayın arttırıwǵa xızmet etip atırǵan, mámleketimizdiń social-ekonomikalıq turmısında belsene qatnasıp, úlgi kórsetip atırǵan jaslar hám taraw wákillerin “Ózbekstan belgisi” kókirek belgisi menen sıylıqlaw máresimi bolıp ótti. Máresimde Berdaq atındaǵı Qaraqalpaq mámleketlik universiteti Jaslar awqamı baslanǵısh shólkemi jetekshisi Abadanov Dauranbek Japbarbergenovich “Ózbekstan belgisi” kókirek belgisi menen sıylıqlandı. Qaraqalpaqstan Respublikası jaslar isleri basqarması jámááti Dauranbek Japbarbergenovichti bul jetiskenligi menen shın júrekten qutlıqlap, izi dawamlı bolıwına tilekleslik bildiredi.