Barlıq ulıwma orta bilim beriw mektepleri hám texnikumlarda bilim alıp atırǵan 16 jastan 18 jasqa shekemgi oqıwshı jaslar arasında Nókis qalası “Jaslar orayı”nda “Hamid Olimjon hám Zulfiya dóretiwshiligi búgingi kúnde de qunlı” atamasında shıǵarmalar tańlawınıń Qaraqalapaqstan Respublikalıq basqıshı shólkemlestirildi.

Tańlawdıń qala, rayonlıq basqıshlarında jeńimpazlıqtı qolǵa kiritken 70 ten aslam oqıwshı jaslar qatnastı.
Jaslar arasında kitapqumarlıq mádeniyatı, kórkem pikirlew, milliy maqtanısh hám ruwxıy qádiriyatlarǵa húrmet sezimlerin jáne de bekkemlew maqsetinde ótkerilgen tańlawda:
1-orındı Qońırat rayonı 12-sanlı mektep oqıwshısı Diana Taǵabergenova ;
2-orındı Kegeyli rayonı texnikum oqıwshısı Qumargúl Dawletiyarova;
3-orındı Qaraózek rayonı 6-sanlı mektep oqıwshısı Aynura Jumamuratovalar iyeledi.

Tańlaw jeńimpazları hám belsene qatnasqan jaslarǵa qáwenderimiz tárepinen tayarlanǵan bahalı sawǵalar tapsırıldı hám hár bir qatnasıwshıǵa ádebiy kitaplar toplamı sawǵa etildi.