Házirgi kúnde Nókis Jaslar texnoparkiniń direktorı lawazımında jumıs islep atırǵan Rustamjon Madraimov:

◉ 2020-jılı «Jaslar klimat ózgeriwine qarsı» joybarı sheńberinde shólkemlestirilgen tańlawda «Forest builder» atlı joybarı menen qatnasıp, sıylı 1-orındı iyelegen hám joybardı ámelge asırıw ushın 2000 AQSh dolları muǵdarındaǵı pul sıylıǵı menen sıylıqlanǵan;
◉ 2020-jılı «Future Skills Uzbekistan» respublikalıq IT-olimpiadasında «Oʻrmansoz» atlı joybarı menen qatnasıp, 2-orındı iyelegen;
◉ 2020-jılı «Technoways» texnologiyalıq rawajlanıw marafonı dawamında jaratılǵan joybarlardı rawajlandırıw maqsetinde shólkemlestirilgen tańlawda «Forest Builder» atlı joybarı menen qatnasıp, sıylı 1-orındı iyelegen;
◉ 2020-jılı «Aral teńizi regionınıń shorlanǵan jerlerinde innovaciyalıq start ap joybarlar» tańlawında «Quyash energiyasında isleytuǵın seksewil egiw agregatın islep shıǵıw» atlı joybarı menen qatnasıp, jeńimpazlar qatarınan orın iyelegen hám joybardı ámelge asırıw ushın 338,2 mln som muǵdarındaǵı pul sıylıǵı menen sıylıqlanǵan;
◉ 2020-jılı Jaslar isler agentligi Qaraqalpaqstan Respublikası basqarması tárepinen shólkemlestirilgen «Xoshamet-2020» sıylıqlaw baǵdarlamasında «Quyash energiyasında isleytuǵın seksewil egiw agregatın islep shıǵıw» atlı joybarı menen «Jıl ideyası» nominaciyası jeńimpazı bolǵan.

Ol usı jetiskenlikleri ushın «Mard oʻgʻlon» mámleketlik sıylıǵına ılayıq dep tabılǵan.