«Watan súyenishi» balalar hám óspirimler áskeriy-watansúyiwshilik háreketiniń jumısın shólkemlestiriw haqqında»ǵı Prezident qararı (PQ-150-san, 02.03.2022-j.) qabıl etildi. Bul haqqında «Xabar.uz» basılımı xabar berdi.

Qararǵa muwapıq :

• Qorǵanıw ministrligi janında «Watan súyenishi» balalar hám óspirimler áskeriy-watansúyiwshilik háreketi dúzildi;
• Qaraqalpaqstan Respublikası, wálayatlar hám Tashkent qalası qorǵanıw jumısları basqarmalarında basqarma baslıǵınıń tárbiyalıq hám ideologiyalıq jumıslar boyınsha orınbasarı, rayonlıq (qalalıq) qorǵanıw jumısları bólimlerinde bólim baslıǵınıń tárbiyalıq hám ideologiyalıq jumıslar boyınsha orınbasarı lawazımı engizildi.

«Watan súyenishi» balalar hám óspirimler áskeriy-watansúyiwshilik háreketi mámleketlik uyım esaplanıp, qorǵanıw ministriniń tárbiyalıq hám ideologiyalıq jumıslar boyınsha orınbasarı shólkemniń jumısın muwapıqlastırıp baradı.

Makan.uz