Usı jıldıń fevral ayınan baslap Shımbay rayonı hákimligi qáwenderliginde ótkerilip atırǵan 🧩“Ómirbek laqqı” ligası🧩 Shımbaylı kóplegen talantlı jaslardı ózinde qamtıy alǵan jıldıń eń iri joybarlarınan biri boldı.
17-mayda 8-sanlı Balalar muzika hám kórkem-óner mektebinde “Ómirbek laqqı ligası”nıń final basqıshı ótkerildi. Bunda finalǵa jollama alǵan 5 komanda úsh shárt tiykarında bellesti.Sonday-aq, Shımbay rayonı hákimi Aybek Tajetdinov ligada qatnasıp atırǵan jaslardı qollap-quwatlaw hám jeńimpazlardı xoshametlew maqsetinde óziniń unamlı pikirlerin bayan etti hám bunday iri joybar kelesi máwsimde bunnanda úlken kólemde ótkeriliwine barlıq sharayatlar jaratılatuǵının aytıp ótti.

Ózleriniń házilleri menen elimiz arasında úlken húrmetke erisken tóreshi quramı aǵzaları ligada qatnasıp atırǵan komandalardı bahalap bardı. Nátiyjege kóre:👇
🥇1-orındı 🏆“Ózgelerden ózgeshe”🏆 komandası iyeledi hám 5 000 000 swm menen qarjılay sıylıqlandı;
🥈2-orındı “Shaxtemir” komandası iyelep, 3 000 000 swm menen qarjılay sıylıqlandı;
🥉3-orındı “Shımbay jasları” komandası iyeledi hám 2 000 000 swm menen qarjılay sıylıqlandı.
Tańlawda belsene qatnasqan “Shımbay shou” hám “Fantamas” komandaları rayon hákimliginiń arnawlı diplom hám sawǵaları menen sıylıqlandı.