Shımbay rayonında 14-may kúni jas shańaraqlar ortasında kitapqumarlıq mádeniyatın asırıw maqsetinde “Jas kitapqumar shańaraq” tańlawı ótkerildi. Shımbay akademiyalıq liceyde shólkemlestirilgen tańlawdıń rayonlıq basqıshı qatnasıwshıları eki shárt yaǵnıy, “Ádebiy kitaplar bilimdanı”, “Soraw-juwap” shártleri tiykarında óz bilimlerin sınawdan ótkerdi.
Jas shańaraqlarǵa oqıw ushın usınıs etilgen 30 ádebiy kitaplar tiykarında dúzilgen sorawlarǵa Seyilbaevlar shańaraǵı belsene qatnasıp, tańlawdıń Qaraqalpaqstan Respublikası basqıshına jollama aldı.
Belsene qatnasqan shańaraqlar, shólkemlestiriwshiler tárepinen diplom hám sawǵalar menen sıylıqlandı.