Qaraqalpaqstan Respublikasındaǵı 200 belsendi jas Ózbekstan Jaslar isleri agentligi Qaraqalpaqstan Respublikası basqarması tárepinen Tashkent wálayatı Bostanlıq rayonında ornalasqan «Jaslar dem alıw orayı»na jiberildi.

Usı orayda qaraqalpaqstanlı qatnasıwshılar menen 19-22-may kúnleri dawamında oqıw seminarların shólkemlestiriw jobalastırılǵan.

Sonday-aq, bul Ózbekstan Jaslar isleri agentligi direktorınıń 16-may kúngi («Jaslardıń bos waqıtın mazmunlı shólkemlestiriw, qábiletli jaslardı qollap-quwatlaw haqqında»ǵı) buyrıǵına tiykar ámelge asırılmaqta.

Maǵlıwmat ushın atap ótiw orınlı, orayǵa barıwshılardıń barıw-keliw ǵárejeti agentliktiń Qaraqalpaqstan Respublikası basqarması tárepinen qaplanadı.

Bekbergen Adilbaev, reportyor