«Microsoft» tiykarın salıwshısı, dúnyanıń eń bay insanlarınan biri bolǵan Bill Geyts ózi oqıǵan 5 eń jaqsı kitaptı basqalarǵa da usınıs etpekte. Oqıp shıǵıń, hesh qashan ókinbeysiz!

1. «Amerika nekesi», Tayari Jons

Bul romandı Bill Geytske qızı Jenn usınıs qılǵan eken. Shıǵarma AQSh qublasında jasaytuǵın afroamerikalılar juplıǵı, ádalatsızlıq sebepli buzılıp baratırǵan shańaraq haqqında.

«Roman teması júdá tereń oylanıwǵa májbúr etedi. Roy hám Selestina muhabbatınıń ayanıshlı táǵdiri meni qattı tásirlendirdi», — dep jazadı Bill Geyts.

2. «Bul haqıyqatlar: Qurama Shtatlar tariyxı», Jill Lepor

Garvardlı tariyxshı hám nyu-yorklı jurnalist Jill Lepor tárepinen jazılǵan hám AQShtıń jámi tariyxın óz ishine alǵan bul kitap 800 betten ibarat. Geytstiń aytıwına qaraǵanda, Amerika tariyxı haqqında elege shekem bunshelli dárejede hadallıq hám hújdan menen jazılǵan shıǵarmanı ushıratpaǵan eken.

3. «Ósiw», Vatslav Smil

Chex-kanadalı professor Vatslav Smil — Geytstiń súyikli avtorlarınan biri, sol sebepli onıń hárbir jańa kitabı shıǵıwın sabırsızlıq penen kútedi. Zamanımızdıń eń kúshli dóretiwshilerinen biriniń 39-kitabı da Geytsti quwandırdı. Tábiyiy hám jasalma dúnyada ósiw modellerine arnalǵan shıǵarmanı Geyts ájayip sintez dep atadı, sonı da qosımsha qıldı, kitap hámme ushın da emes (ayırım jerleri sabaqlıq yamasa texnikalıq qollanbanı esletedi).

4. «Tayarsız ba: tolıq ómir ushın balalarǵa ne kerek», Diana Tavenner

«Eń jaqsı mektep sistemalarınan biri»niń tiykarın salıwshısı Diana Tavennerdiń bul qollanbası mektepti pitkergen balalardı úlken ómirge qalay tayarlaw haqqında. Kitaptaǵı tiykarǵı belgilerden biri, ata-analar balalarına tek ǵana kolledjge qalay kiriwdi emes, al qalay baxıtlı jasawdı da úyretiwi kerek.

5. «Nege biz uyqılaymız. Uyqı hám túsler haqqındaǵı jańa pán», Mettyu Uolker

Geyts insannıń minez-qulqı haqqında ózi oqıǵan kitaplar arasında mine usını eń qızıǵı dep esaplaydı. Bul kitaptı oǵan qızı Jenn hám amerikalı qarjı iyesi Jon Doyerr usınıs etken. Usı kitaptı oqıp bolǵannan keyin Geyts jaqsıraq uyqılaw ushın keshki ádetlerin ózgertkenin aytadı.

Azizbek Dabılov