William Henry Gates III 1955-jılı 28-oktyabrde Amerikada tuwılǵan. Gates Paul Allen menen birgelikte házirgi waqıtta jáhánniń eń iri kompyuter software kompaniyası bolǵan Microsoft’qa tiykar salǵan hám búgingi kúnde onıń basshısı. Ol dúnyanıń eń bay adamları diziminde kóp jıllar dawamında birinshi bolıp turǵan.

Jeke kompyuter jaratıwda revolyuciya qılǵan dúnyanıń iri wákillerinen biri bolǵan Gates monopoliyada ayıplanıp sıńǵa alınǵan. Sol menen birgelikte Gates kóplegen qayır-saxawat islerin ámelge asırǵan: 2000-jılda ómirlik joldası menen dúzgen Bill & Melinda Gates Foundation fondı arqalı medicinalıq hám ilimiy izleniwlerge $36 milliardtan artıq pul ajıratqan.

Gates 2000-jılı yanvar ayında Microsoft atqarıwshı direktorı lawazımınan ketip, kompaniyanı basqarıwǵa ótti. 2006-jılı iyun ayında ol Bill & Melinda Gates Foundation fondında islewdi daǵazaladı. 2008-jılı 27-iyun ayında Gates Microsoft’taǵı aqırǵı tolıq jumıs kúnine shıqtı.

Bill Geyts haqqındaǵı siz esitken hám esitpegen 13 maǵlıwmatlardı keltirip ótemiz.

1. Óspirimlik payıtlarında Lakeside Prep School mektebinde oqıp júrgen gezleri Geyts General Electric kompyuterinde óziniń dáslepki kompyuter baǵdarlamasın jazadı. Bul kompyuterge qarsı oynaw múmkin bolǵan «X-0» oyını edi.

2. Óspirimlik paytında Geyts Jáhán Ensiklopediyası kitabın oqıp shıqqan.

3. Amerika joqarı oqıw orınlarına kiriw ushın tapsırılatuǵın SAT imtixanında ol maksimal 1600 balldan 1590 ball toplaǵan.

4. Basqa kóplegen texno-biznesmenler sıyaqlı Geyts te universitettegi oqıwın taslap ketken. Ol bar waqtın Microsoft’qa jumsaw ushın 1975-jılı Garvard Universitetinen ketken.

5. Garvarddan ketkeninen keyin 2 jıl ótip Geyts Nyu-Meksiko shtatında qamaqqa alınadı. Ol aydawshılıq gúwaxnamasız avtomobil basqarǵan hám qızıl shıraqta toqtamay háreketlengen.

6. Geyts samolyotta ushıw uhın eń arzan biletlerdi satıp alatuǵın edi. Házirgi waqıtta ol óziniń 1997-jılı satıp alǵan samolyotında ushadı hám bunı «eń úlken kereksiz ǵarejet» dep ataydı.

7. Samolyottan tısqarı Geyts 1994-jılı Codex Leicester yaǵnıy Leonardo da Vinchidiń qoljazbaları kolleksiyasın auksionda 30.8 million dollarǵa satıp aladı.

8. Ózi milliarder bolıwına qaramastan, Geyts perzentleriniń hárbiri «tek» 10 million dollar miyrasqa iye bolıwın aytadı. «Balalarǵa júdá úlken muǵdardaǵı pul qaldırıw olarǵan islengen jaqsılıq emes», dep pikirleydi Geyts.

9. Geyts jılına 50 kitap oqıydı eken. Onıń aytıwına qaraǵanda «Oqıw elege shekem mende jańa nárselerdi úyrenetuǵın hám óz túsinigimdi sınaqtan ótkeretuǵın usıl» deydi.

10. Geyts hesh qanday xalıqaralıq tillerdi bilmeydi eken. Ol bunı óziniń eń úlken kemshiligi del sanaydı.

11. Bill Geytsten bay milliarderler dúnyada tek 10%in quraydı.

12. Billdiń úlken atası huqıqtanıwshı, atası bolsa advokat bolǵan.

13. Bill haqqında júdá kóp kitaplar jazılǵan, eger siz amazon.com saytı arqalı gates sózin gilt sóz retinde terseńiz 130 mıńnan artıq shıǵarma tabıwıńız múmkin.

Bul maǵlıwmatlar ele sizge jeterli bolmawı múmkin. Biraq biz kóbirek qızıqlı informaciyalardı sanańız astına jetkeriwge háreket ettik.
Bill Gates haqqında bunnan da kóbirek maǵlıwmatqa iye bolıwdı qáleseńiz ol haqqında jazılǵan kitaplardı oqıń, izleniń hám pikirlew dúnyańızdı jáne de bayıtıń.

Esletip ótemiz «Dúnyanı ózgertken tentekler» audio hám tekstli joybarımız «Bookie» qaraqalpaq tilindegi audiokitaplar platforması hám jaslar isleri agentliginiń rásmiy kanallarında berilip barıladı.

Bizden uzaqlaspań, eń kreativ joybarlar tek ǵana bizde!!!

Joybardıń tiykarshısı: Azizbek Dabilov