🖥MÁHÁLLE XABARLARÍ🖥
– Kónshi máhállesinde jaylasqan 14-sanlı mektepte jaslar jetekshisi hám mektep xizmetkerleri menen birgelikte «Kitapqumar shańaraq» tańlawı ótkerildi. Tańlawda máhálledegi 4-klassta oqıytuģın oqıwshılar ózleriniń ata-anaları menen birge qatnastı. Bul ilajdan maqset oqıtıwshı, oqıwshı hám ata-analar ortasında kitapqa degen qızıģıwshılıqtı elede arttırıw boldı. Tańlawda 30 den artıq oqıwshı óz ata-anaları menen qatnastı
– 28-aprel kúni Qara kól máhállesindegi 44-sanlı ulıwma bilim beriw mektebi oqıwshıları oq atıw maydanı «Poligon»ģa bardı. Ol jerde áskeriy texnikalar hám qural jaraqlar menen keńnen tanıstı. 30 dan aslam jaslar ol jerde texnika hám qural jaraqlardan qanday paydalanıw; texnikalardıń sırların; oq atıw jolların úyrenip qayttı.
– 30-aprel kúni Respublika 3-sektor baslıģı Qaraqalpaqstan Respublikası Ishki isler ministri A.Orınbaev tárepinen Shımbay rayonı Mayjap awıl puqaralar jıyını turģınlarına kóshpeli qabıllaw ótkerdi. Sonday-aq, xalıqtıń bántligin támiyinlew ushın miynet yarmarkası shólkemlestirildi. Sonıń menen birge xalıqtıń salamat turmısın engiziw maqsetinde IIM shıpakerlik bóliminiń tájriybeli shıpakerleri tárepinen puqaralardı biypul kórikten ótkerildi.
– 2022-jıl 30-aprel 1-may kúnleri sporttıń «Gúres» túri boyınsha 2007-2008 jıllarda tuwılǵan jas óspirimler hám qızlar arasında Qaraqalpaqstan Respublikası chempionatı bolıp ótti. Usı jarısta Kókshi qala máhhállesi turǵını Tólegenova Qamajay sıylı 1-orındı aldı hám Ózbekstan Respublikası chempionatına jollama aldı.