Shomanay rayonı 1-sektorǵa qaraslı “Monshaqlı” mákan puqaralar jıyını aymaǵında jaylasqan 7-sanlı ulıwma bilim beriw mektebinde Sektor baslıǵı hám jaslar ushırasıwı bolıp ótti.

Ushırasıwǵa 1-sektor baslıǵı B.Yangibaev, Ishki isler bólimi baslıǵınıń orınbasarı E.Nurumbetov, Monshaqlı MPJ baslıǵı, Hákim járdemshisi, Jaslar jetekshisi hám sol aymaqtıń bir qatar jasları qatnastı.

Ushırasıw dawamında jaslar, mashqalalı máselelerin aytıp óz múrájatların bildirdi.

Jaslar tárepinen bildirilgen múrájatler sol jerdiń ózinde taraw wákilleri menen dodalanıp, kóplegen múrájatlar unamlı sheshildi.

Sheshimine múddet talap etiletuǵın múrájatlardı tiyisli taraw wákillerine úyrenip shıǵıw tapsırıldı hám qadaǵalawǵa alındı.